ខេត្តស្វាយរៀង ៖ ព្រឹកថ្ងៃទី២៦ ខែឧសភា ឆ្នាំ២០១៦ ឯកឧត្តម៉ែន វិបុល អភិបាលខេត្ត បានបន្តចុះសួរសុខទុក្ខបងប្អូនកម្មករ-កម្មការិនីដែលទទួលគ្រោះថ្នាក់ចរាចរណ៍រវាងរថយន្តដឹកកម្មករ និង ម៉ូតូ កាលពីល្ងាចថ្ងៃទី២៥ ខែឧសភា ឆ្នាំ២០១៦ វេលាម៉ោងប្រមាណ១៧.៥០នាទី លើផ្លូវជាតិលេខ១ ស្ថិតនៅភូមិលៀប ឃុំកណ្តៀងរាយ ស្រុកស្វាយទាប ខេត្តស្វាយរៀងដែលកំពុងសំរាកព្យាបាលនៅមន្ទីរពេទ្យបង្អែកខេត្ត១៦នាក់ មន្ទីរពេទ្យបង្អែកស្វាយទាប ៣នាក់ និងនៅមន្ទីរពេទ្យបង្អែកជីភូ៥២នាក់ សរុបរួម៧១នាក់ ក្នុងនោះរបួលធ្ងន់២៥នាក់ ។
ក្នុងឳកាសនោះដែរ ឯកឧត្តម ក៏បានឧបត្ថម្ភអ្នករបួសធ្ងន់ម្នាក់ៗទទួលបានថវិកា ៣៤០.០០០រៀល អ្នករបួសស្រាល ២០០.០០០រៀល ក្នុងនោះក៏មានថវិការបស់សាខាកាកបាទក្រហមកម្ពុជាខេត្តស្វាយរៀង និង ថវិការបស់លោកជំទាវបណ្ឌិតម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ធសភា និង អធិការកិច្ចផងដែរ ។
